Catch 135 《【ISCF】亂世・來一點HARDCORE：使徒ERROR遊—偽暑假查經班》
記得2022年3、4月，學生多了一個偽暑假，天氣仲涼涼哋，順便慶祝埋復活節，放完假又唔係新開始，感覺就是怪。
啱啱遇著剛剛，IS中學部正預備著四次回應處境的《使徒行傳》查經內容，”Error” 一字忽然連結了昔日今天，早期教會與今日校園／社會的不穩定處境就這樣「穿越」起來。在忽然放假和沒有空間預備更多的前題下，我們懷著死就死吧的信心，嘗試來一個Hardcore偽暑假活動 —— 查！經！班！(一連四次，仲要晚上9:00-10:00最Chill時段搞 XD) 咁毒*得唔得㗎？
*註：查經週會在團契界別名「趕客毒藥」，相傳要慎服
最後點？識睇梗係睇留言啦：
「本身我以為查經活動係好悶好悶，淨係一班人喺度睇聖經。但係今次活動我見到好多人一齊喺度查經後分享自己嘅睇法， 亦都對其他人嘅睇法畀出唔同嘅意見，一齊 brainstorm，令我對查經改觀， 都算係一個唔錯嘅開始。」- 謝同學 （F.4）
「其中最讓我印象深刻的有兩個體會：一、是上帝的包容性遠比我們所想像的大，而作為基督徒的我們，就更要學習接納與我們不同的人，嘗試理解他們，而不是以基督徒的身分去批判別人，反要讓他們感受到神的愛是要臨到每一個人身上的。二、是行步見步，我們都會對神有疑惑的時候，卻沒有坦誠告訴天父的勇氣，但人畢竟是軟弱的，我們不須為這些感到愧疚，因為神會把這些疑難一一解除，幫助我們踏出第一步，賜我們跟從的信心。」- 黃同學 （F.4）
「我發現《使徒行傳》的人物及行動顛覆了舊約，十分破格及貼題 (error)。 Fes善用以亞拿尼亞，哥尼流人物的行動，思考，事發背景為出發點進行討論，然後才深入探討背後的反思，每個人都能夠經過深切思考後分享自己的想法，讓查經不死板沉悶，十分用心。」- 蘇同學（F.5）
「我要好似使徒咁 keep 住『動態 training』,『Always on the move』」 – 李同學 (F.5)
「平時嘅查經可能係跟住一個主題咁樣查，不過今次嘅查經就用咗啲小人物甚至地方去查，我覺得好新奇。另外有陣時查經驚錯，所以就唔係好敢出聲，不過今次嘅查經畀我嘅感覺好 casual，所以我會主動分享自己嘅睇法同問問題。」- 黃同學 (F.5)
「呢 4 次嘅查經體驗好有趣，我哋一齊揾經文入面『error』嘅地方，代入當時使徒、信徒嘅情景，再反思返我哋自己嘅信仰、事奉。
今次查經嘅人物有幾個都真係幾陌生，但係我發現原來之前我睇經文 ，只不過係走馬看花，冇咩印象，所以今次可以好仔細咁睇平時輕輕帶過嘅人物小故事，去發掘背後嘅道理。好似，腓利同埃塞俄比亞太監嘅相遇，令我體會到常作準備，再行步見步。
仲有其中一個最大嘅得著係對聖經時期嘅地圖熟咗 ，耶路撒冷、大馬士革、伯利恆等。而我最深刻嘅經文係關於亞拿尼亞，佢受呼召去幫迫害信徒嘅掃羅，儘管經歷內心嘅掙扎仍然去幫掃羅，所以有時信仰有疑惑／掙扎係好正常，我哋亦唔需要放棄自由意志咁盲目信服先算係虔誠，反而係帶住掙扎嘅先係真信心。感恩呢個假期有機會同一班基督徒相逢，一見如故去分享、學習。」- 謝同學 （F.4）
「因為在網上分享，我感到無比舒適與安全，… 沒有壓力。」- 鄭同學 (F.5)
小記：
是次活動，有3X人出席，另為個別學校／教會加開三場。參加人數共7X人。
原來亂世下Hardcore反而夠直接，「網上活動」接近三年了，靈性都餓了，總不能長期淨係食糖（玩Game）吧。
主的話是活的，也令飢餓的人得飽足，榮耀歸主。阿們！
P.S. 如果你都想體驗一下「毒藥」的美妙，歡迎邀請我哋去你哋團契一齊試毒（查經） XD