CATCH 139 《為自己慶祝的六個時刻！》
前言
作為土生土長的九十後美貌與智慧都冇乜的香港麻甩系後生女，我最喜歡聽聽我們香港歌手的作品，例如林家謙「神奇的糊塗魔藥」，閒時睇下香港人onXmemes page，大熱天時開大冷氣大字型攤在地板上，忙完一天的工作就回家煮個Oppa辛辣麵配煎蛋腸仔，睡不著就在梳化呆坐，點著梨花味的融蠟燈。
不知道你在忙碌的校園、校隊、教會、家庭等生活中，有否留一個空間給自己，不僅是喘息，更是為自己慶祝的時刻？咩呀，又冇人生日，點解要慶祝？咩呀，邊個話要生日定大時大節先要慶祝！生活有很多小片段都值得我地慶祝！
「其實，生活很簡單，既然每一天都是人生的幾萬分之一，那就要過得特別而值得回憶，儀式感大概就是這麼一回事。用心對待看似平凡的小事，生活就是一個接著一個的節日！」—— 《儀式感》
《為自己慶祝的六個時刻！》
第一個：當你鬧鐘較7:30am，而當你朝早起身，發現只係7:35pm，今日比琴日同前日懶床時間都短左嘅話！
為自己慶祝的方法：買個好好味又好耐冇食嘅早餐！
日日返學都趕頭趕命，一聽到鬧鐘又要同張床搏鬥再搏鬥，由其夏天涼住冷氣，真係好難有動力起身返學！既然有一日係起到身，不如就買個早餐獎勵下自己，作為打開一天嘅生活嘅好開始！
第二個：完成左一日嘅功課，或者又碌過左一日嘅補習補課，TGIF!!!
為自己慶祝的方法：坐定定開套電影／Youtube片睇吓～
衝完一個禮拜嘅功課、測驗、補習，氣都抖唔切，難得係TGIF!!! 又或者係第日唔洗早出門返學嘅日子，不如今晚開套想追但又未有時間追嘅電影，又或者Youtube片睇吓啦！～ 唔洗太有意義，冇乜營養都得架。
第三個：喺最近好難嘅一樣野（學科／興趣／上堂冇訓教／冇亂買野／返學追到巴士etc）上有進步～ （任何進步幅度）
為自己慶祝的方法：獎勵下自己！買一張貼紙／靚靚卡仔／Quote卡貼喺你成日望到嘅地方！欣賞下努力進步咗嘅自己，又鼓勵自己繼續進步～！
第四個：為迎接新學年嘅開始，慶祝自己踏入新一個學年！
為自己慶祝的方法：每日最常用、最常出現嘅係咩？水樽？Schedule Book？文件夾？筆袋？試下將其中一樣你常用嘅野，換一個新嘅形象，買一個新又得、裝飾咗佢成一個新嘅style又得～ 幫自己適應又期待新一個學年呀！
第五個：最近一樣同人之間好困難嘅事情終於碌過咗！
為自己慶祝的方法：喺睡房或者客廳，或者日常生活裡面，加一樣你好鍾意嘅氣味嘅用品。沐浴露洗頭水、定係蠟燭或者香薰仔，又或者一啲小植物，有香味嘅書籤仔，咩類型嘅都得架～！喺自己身上面或者身處嘅空間裡面帶有自己鍾意嘅氣味，閒時坐低聞下，都會令自己舒服啲，平安啲㗎！
第六個：「戰勝」左一樣你好抗拒、好驚嘅「敵人」！「敵人」範圍包括：昆蟲仔、夏天做運動、好唔鍾意做嘅數學功課、好少睇嘅長文書、內向人要去群體活動、病左要食好難食嘅藥、心裡好難突破嘅掙扎，等等…..
為自己慶祝的方法：約朋友一齊去食一間bookmark左好耐嘅餐廳！好好享受同朋友相聚嘅時間，同佢地分享下你點樣「戰勝敵人」，畀佢地都讚下你！再一齊慢慢好好品嚐枱面上嘅美食～
我地每日嘅人生都發生緊大大小小嘅事，唔一定要係好大好勁嘅嘢先值得慶祝，其實一啲好細微嘅突破同埋完成，都係我地努力過嘅時刻。有時每日生活節奏太快，我地都忘記左好好回顧並且欣賞下做咗咁多嘢嘅自己！既然努力過，嘗試過，就好值得好好欣賞同埋接待自己，錫下擁抱下呢個自己！一齊試下為自己慶祝啦！
最後，送上一首林家謙的「神奇的糊塗魔藥」給大家，希望大家都能夠「在煩亂之中找到氧氣」，「當一個幸福的 傻更更的你」。
「在煩亂之中找找氧氣 失意能否不提起
糊塗地闖天地 不想要三幅被
只想要隨便的 隨心的 結尾
忙著為明日打算 怎知道只得忙亂
忙著看手錶 竟不知分秒停轉
傻著笑提問「點算～」 或過錯不需要點算
耗損的可能是分寸
去吧 毋用計長短
忘掉有幾多虧欠 只想有些歡笑嘴臉
名和利都不需刻意盤點
常爲無聊事打算 或會算出一片青天
隨便 走得笨～拙一點
去吧 毋用計條件
無視道與理 是與非非 繼續往天飛 再去遁地
在煩亂之中找到氧氣 擺～著烏龍燃起
糊塗地闖天地 不需要三幅被
都可以迷著路行棋
無視道與理 是與非非 盼待往天飛 卻要撞地
在忙亂之中找到勇氣 一片塵埃中起飛
「糊塗地闖天地」 只不過三幅被
只需要隨心編 隨手寫 結尾
當一個幸福的 傻更更的你」
————「神奇的糊塗魔藥」