Catch 129 – ISCF -假使團契原來不像你預期

話長唔長,話短唔短,網上校園反反覆覆持續咗差不多一年。網上上堂嘅千奇百趣都變得唔再有趣啦(水已被抽乾lol)。而團契s亦開始「接受現實」,紛紛積極預備轉戰網上,始終「聚會是不可停止的」。福音係unstoppable 嫁喎,right? 只不過…搞得返團契,又係咪真係代表福音就「歸位」呢?

喺遠古既2019年實體團契仲健在嘅時候 (係呀,「遠古」嫁啦,你唔覺得今年係體驗緊聖經講既「一日如千年咩?」), 其實團契都已經困難重重:有D愁緊青黃不接;有D出盡法寶都返魂無術;有D總係「卡死」咗喺遊戲同零食嘅關口,難以進深,以至每年有團友升高中,就總有一批人靈異地自然消失。今日喺疫情巨浪下,團契被迫「砍掉重練」。昔日嘅問題比今日嘅突變蓋過,好似粉筆字一樣被抹咗去。究竟,砍掉重練係一次絕地重生嘅機會,定係重蹈覆轍嘅撞牆呢?

講就天下無敵,做呢?其實我無答案。(唔好咁快唓~~~住) 不過,就係哩個BUT!有幾個片段喺疫情中曾經見過/聽過,都幾爆幾令人深刻:

有間學校嘅團契老師同一班將會服待中一同學既高中團職講:「其實與期絞盡腦汁諗點樣將過去實體團契照單搬上網,不如我地諗下今年中一新入學同學最需要D乜,再重新設計?反正佢哋都無返過中學既團契,大家點睇?」

 (乜砍掉重練唔係講下咋咩?玩到咁大?)

一班唔同學校不過都認真思考信仰既2020DSEers走埋一齊查經,查完之後:「原來有啱channel嘅人一齊進深傾信仰睇聖經係咁爽,點解唔悶嘅?!同自已學校團契好似有D唔同….」

(嗱嗱嗱,唔同咋,無比較嫁~ 不過真係咁神奇?)

日日上堂zoom到眼光光,團契仲Zoom?不如二至四人小組實體祈禱,合法又衛生,有無得諗? (而家放學放半日,係咪順道”禁食”埋?XD)

假使團契原來不像你預期… 

但其實你預期團契係D乜?

哩個世代喞大家又期望團契係D乜? 

係疫情期間想起一句…
“Being alone doesn’t mean you are lonely, and being lonely doesn’t mean you are alone.”

點樣令人係團契裹面經歷真關係、真福音,喺無論實體定網上團契,都無得迴避要去諗。

就好似砍掉重練,最後都要打大佬一樣…

咁難喞問題,不如問下耶穌,唔知佢預期團契係一個點嘅地方呢?

#網上團契…
#話說今劑老師導師都無答案
#有D網上野佢哋仲問返你轉頭
#機會嚟啦飛雲 
#係愛呀哈利

💻網頁:https://iscf.fes.org.hk/?cat=921
📱Facebook: https://www.facebook.com/catch.iscf
📱instagram: @catch_magazine
https://instagram.com/catch_magazine?r=nametag

©️香港基督徒學生福音團契中學部