Catch 129 – Catchy – 可唔可以靜靜地一齊贏?

聽講,今期Fellow Up對談的兩位朋友,在熄咪之後有交流咗少少關於「碌ISCF」的經驗。雖然兩位的年代唔同,但會投入ISCF哩個群體,或多或少都緣於不滿足於原生信仰群體帶來的經驗和關係,所以被聯I校S基督徒C團契F這個群體吸引過來。而望返轉頭,每個年代的同學,覺得自己教會/學校團契差啲咩、想喺iscf搵啲咩,都可以好唔同。

Catch身為ISCF旗下刊物,一直都想試下用文字捕捉主流信仰群體無咩空間講,冷門少少但仍然值得去探究的信仰思考。查返歷史文獻,以前Catch the Heat反而先係重頭戲,點樣可以用流行文化、次文化去同信仰進行對話。當時啲中學生,就已經講文化和信仰對話,走得都幾前㗎!Catch有時走得好前,因為遇到好的作者,佢哋觸覺敏銳,將發生緊的變化寫落嚟同大家分享;但Catch好多時都變得好慢,因為編委和同工們都是slash族,多重身分忙到講咗但做唔切。就好似點樣同大家互動多啲,唔係淨係出完本嘢就完咗咁,好似話當年啱啱興facebook的時候就想做,但講到依家中學生都唔係個個有facebook a/c的時候,終於開個instangram又試下做唔做到。

無錯!Catch終於有IG!!!

其實上期都開咗啦,不過靜靜地放咗個QR code喺唔顯眼的角落。靜靜地做但好似無咩人follow咁,所以今期先正式做返個宣傳~其實寫緊哩篇Catchy的小編我,到哩一刻都唔知Catch個IG會有咩發生。但科技始於人性,團契都係始於人性,到底我哋會唔會喺IG哩個好多人話只係一種唔應該沉迷的科技中,發展到一個好有人性的團契呢?

講咗咁耐,期望各位玩開IG的讀者,都會follow我哋個IG,見到啱嘅post多多share同comment!

殊,唔好咁大聲俾老師導師知,我哋一齊玩下IG試下丫~

💻網頁:https://iscf.fes.org.hk/?cat=921
📱Facebook: https://www.facebook.com/catch.iscf
📱instagram: @catch_magazine
https://instagram.com/catch_magazine?r=nametag

©️香港基督徒學生福音團契中學部