CATCH 134 COVER STORY 《調教你Mirror-甘於成為一面低調的鏡子》文字版

之前大熱嘅《調教你Mirror》，有一集講到成員間總有啲好似冇咁出名，冇咁多job，好似冇乜人見到自己咁，唔知你平時喺學校、教會，又有冇呢個感覺呢？ 


佢哋呢集嘉賓搵咗演員麥子樂，佢提到自己出道20年但周不時都有人唔知佢乜水，佢自己都講到眼濕濕，不過佢有咁嘅覺悟，「我哋會唔會成日介意有冇人睇得見我哋或者做每件事情都諗住『我會得到啲咩？』，就會無法享受呢件事情？」


 

同一集選咗Mirror嘅最佳成員獎，得獎嘅係Tiger老虎仔，平時嘅佢比較低調，好似埋位拍嘢都唔會坐中間，似係默默型，不過⋯⋯「我由入行起就有個諗法，只要你用心去做好一件事、無論你有冇機會，甚至只有一個機會，喺呢個機會中你認真去做，多多少少都會有人睇到㗎。有人睇到㗎！」 

試諗吓，你有冇曾經試過做一樣嘢嘅時候成日諗住結果係會得到啲咩？會唔會又成日介意人哋見唔見得到你，而冇好好享受個過程、冇享受到嗰刻上帝畀你嘅嘢？