✨2022 DSE 22日靈修「補元」計劃 💪🏻5月6日 《邊一件事?》王文彥老師 著

給奮力作戰的你!一日一篇的DSE靈修,由第一天陪你走到最後一天!💛💗 

這是第十四天 天晴

弟兄們,我不是以為自己已經得著了,我只有一件事,就是忘記背後,努力面前的, 向著標竿直跑,要得神在基督耶穌裡從上面召我來得的獎賞。  腓立比書 3:13-14  

哈!相信大家都受過經文鼓勵左好多次,亦都向着標桿跑左好多次。特別家陣非常時期(DSE+疫情),我哋見到經文都好易被鼓勵努力加油狂跑XD  

坦白講,即使因著以上經文而努力備試,再正能量都可能好快乏力。點解呀?因為枝標竿未必對得準😮。  

話說腓立比書入面,保羅暗指其他法利賽人自以為出身名門,盡禮儀,做好事以為可以靠自己得救。(先唔講保羅暗笑自己如果真係要比,佢自己既出身地位都仲要比佢地高)保羅提醒弟兄們,指就連佢自己都忘記背後,完全唔依靠自己身份、地位、行為等等去稱自己為義。佢將以上人看來都好強既名利放低,為既係得著基督,向標竿直跑。  

所以其實個枝標竿,唔係要我地去搏盡Chur 成績【唔代表唔重要!】,而係於生命上要竭力得著基督。或者當認清左標竿之後,再刻苦努力應試亦可以輕省一點。因為我哋知道:唔係單單自己用力跑去想達到既目的地(或者係5**/好成績/心宜大學 etc.),而係:預備DSE – 一個人生難得,寶貴既經歷當中,我哋如何竭力請耶穌基督同我地一同導過,跑得有力一點,努力得再平安一點😊!  

祝大家努力應試之時,常常禱告,並經歷到上帝😊 

©️香港基督徒學生福音團契中學部 

====================== 
Facebook👥:https://www.facebook.com/fes.org.hk 
Instagram📱:@iscf.fes 
Website💻:香港基督徒學生福音團契 https://iscf.fes.org.hk/ 
聯絡我們:https://iscf.fes.org.hk/?p=390 
======================