CATCH 138 《經驗即意義——Boardgame收藏家的promise/curse》

訪問者：Catch（C）  

受訪者：William（W） 

C：你係點同boardgame（桌上遊戲）相遇㗎？ 

W：當年教會團契完咗之後，大家想再搵啲嘢做，就去cafe玩boardgame。開頭只是玩《大富翁》、《戰國風雲》哩類「桌遊」，直到一次中同聚，有人帶咗啲比較有名嘅boardgame（《卡坦島》、《富饒之城》）我先開始留意。另一個原因係當時仍在讀master，喺大學有好多營會，會玩好多boardgame，例如《掘金》哩類較普遍嘅遊戲。出咗嚟做嘢之後，就開始自己買同帶返教會玩，約朋友、同事玩咁。 我依家算係一個boardgame收藏家，會同朋友夾份拍片介紹唔同遊戲，又有時會去做下boardgame導賞員。 

C： 不如請你簡單介紹下你鍾意玩嘅遊戲吖？ 

W：boardgame分兩類：一種是美式、探險元素較多的角色扮演類型，角色會死亡；另一種是歐式、建設經營策略類型的遊戲，多數會計分。 
我比較喜歡美式這類強調故事性，有冒險和解謎元素，可以和其他人合作的遊戲。這類遊戲同電玩好似，可以自行創作角色，將自我投射落去，讓那個在現實中被規劃的自己，可以冒險同實現某種自我。例如我在遊戲中，創作一個「可以不服從嘅角色」，就是為了對應在現實中只能高度服從、被壓抑的我。 

德式的boardgame 我也會玩，不過這類「玩機制的」遊戲，我很一般，很多時玩這類遊戲都會變成只着重遊戲的策略，沒有故事經驗，純粹以瞭解機制去同其他人鬥智。不過，也有一些設計精細的模擬經營的遊戲，我亦喜歡。例如一隻做紅酒商的遊戲，可以讓我體驗到某種自己不會做的職業，更多知識。 

C：咁點解係boardgame而唔係其他遊戲呢？ 

W：boardgame其實不只是遊戲，跟睇戲/看書好似，內含一個世界觀，可以帶來的連續生活敍述經驗（continuos narrative experience)。在現今的科技社會中，時間和空間被規劃了，我們的生活經驗很割裂，且被碎片化。特別在網絡世界中，我們可以隨時切換場境，在不同的舞台中jump in and out，整個生活經驗都不是連續的。例如，在跟你對話的時候，我去覆whatsapp，那就暫停了和你的對話。 

Boardgame 帶來的經驗跟去旅行一樣。我們喜歡去旅行，是想要抽離於現有時空，去獲取連續的經驗，而boardgame則是將三、四天的旅程濃縮進2小時或1天內。 

C：boardgame ／旅程帶來嘅連續性對你嚟講重要性喺邊？最吸引嘅地方係？ 

W：其中一樣是人的整全性，藉著故事敍述，我們會試圖為一些事找出意義 (make meaning of)，有意義後才會有感受。例如出街被車撞斷腳，會問為甚麼，然後希望在當中找到原因。如果有信仰，可能會覺得哩個係試驗，無信仰就會覺得唔好彩、自己衰。人總係需要搵意義，而生命中的不同意義是在敍事中找出來的。例如，我們會問已過去的童年如何塑造成今天的你，今天的自己和過去的自己是有關連的。但現代社會卻只提供了「現在」，所有事不斷重複但沒有意義，昨天跟今天完全一樣，無法有連續的經驗，也沒有起伏，無法敍述生命發生的事，會帶來身分危機。 

C：都係㗎，經驗和情緒嘅起伏係需要時間去感受同整理，但現代社會嘅操作要求人要快速切換至不同嘅生活部分，所以我哋都習慣咗將哩啲經驗同情緒壓抑。咁邊類boardgame比較能帶出 你所講嘅連續敘事體驗呢？係咪故事性強啲美式果類？ 

W：其實美式同歐式都可以，雖然玩歐式係進行咗2個小時故事性唔強純係鬥智嘅遊戲，但哩2個小時專注嘅過程，就係一個連續嘅體驗。我在cafe帶人玩棋，可以見到投不投入玩遊戲帶來的經驗都有很大差異。果啲邊玩邊襟電話嘅人，是無法enjoy boardgame帶來的連續敍事經驗，只是重複了科技將經驗切割和暫停的世界。正如那些帶著工作去旅行的人一樣，無法完全投入旅行經驗之中。 

C：可唔可以講多啲帶人玩遊戲嘅體會？例如，作為cafe嘅boardgame導賞員，想介紹遊戲俾新手時，會考慮啲咩？ 

W：頭幾次玩咩game、同咩人玩，會畀到新手嘅經驗好唔同，通常導賞員會按返程度，介紹返適合嘅遊戲。會睇有幾多時間，同埋專注力有幾高。有啲遊戲一局要玩3-4個鐘，淨聽規則介紹都要半個鐘，無時間同心機聽，就玩唔到。 

另外，都有試過去學校或教會相關嘅workshop帶人玩，通常都會被教牧問：「哩個遊戲可以有咩教育意義呢？」。的確有啲遊戲係可以帶到反思，但我會強調玩遊戲所帶來的連續經驗，本身就已經係一種意義。要求遊戲「有意義」，就已違背咗玩遊戲本身嘅意義——帶來遊戲嘅經驗。 

好多營會/週會會就地取材搵一啲已有嘅遊戲去整一啲debriefing（意義解說），但好多時哩啲遊戲本身想帶嚟嘅經驗同想debrief嘅嘢唔match，咁效果就會好差。如果想產生到啱嘅debreifing，就要重新設計一啲遊戲； 例如按返營會主題，重新設計一啲soci game咁。當中有咩教育意義？幾年後問返啲參加者可能會唔記得，但就記得有咩感受、同咩人一齊玩。 

C：我都覺如果遇到一啲遊戲太有教育意義，我會好難投入去玩。同學其實都好清醒，會為咗不「被教育」，而拒絕投入遊戲，咁就唔會得到所謂嘅遊戲經驗。可能做開老師/牧者嘅人，太過在意「教唔教到人」，急於想傳遞意義，變咗跳過經驗本身，只着重頭腦上的認知，變成同現實差唔多嘅、早已設計好嘅經驗，啲人會預期到個結果（即係想佢哋得到啲教育意義）。 遷就下教牧教育需求，咁有無話邊啲game係適合啲帶出反思／教育意義嘅呢？ 

W：之前帶workshop玩過一隻講求合作性嘅遊戲《Forbidden Island》，算係可以討論下團隊合作。但我要重申，雖然好多遊戲有需要嘅話，都可以帶出教育意義，但遊戲本身起初嘅設計，係為咗帶來玩樂經驗，而唔係教育經驗。 

C：請你總結一下哩幾年你玩boardgame嘅經驗，我唔用「得着」或「意義」哩類字啦（笑），講下有啲唔係玩boardgame可能就無嘅嘢呢？ 

W：首先我諗係同好多人嘅關係，多咗生活層面嘅結連；有啲同事變成咗朋友，會一齊傾下公事以外嘅嘢，都唔淨係boardgame，仲可以有文學、電影、生活之類。 

另外亦都識多咗好多唔係基督徒嘅朋友，可能一開始只係玩boardgame，或者傾下夾下幾時做導賞員之類嘅嘢，但依家都唔淨係會講boardgame，佢哋亦都教咗我去生活。好似成日去嘅boardgame cafe，有時上去都唔一定會玩boardgame，純粹係慣咗就上去hea下。果度成為咗我生活嘅空間，一個live together嘅空間。 

C：一齊玩，玩得開心，就會想繼續一齊，其實就係建立緊生活嘅一啲部分，同團契類似，都係一啲一齊生活嘅經驗。依家好多教會都開始做緊類似share space（共享空間）嘅嘢，但開放時間同埋行政規定有限制，而本身又有太多有意義嘅事發生緊，好似無咁易做到。 

W：可能我都係過份美化咗玩boardgame哩件事，我諗我都要小心啲，提住自己哩件事係唔會完整地滿足到我自己嘅生活需要。boardgame雖然係一個可以令人傾家蕩產嘅興趣，但都可以係一種讓人好快滿足嘅廉價替代品。對照返好多時我哋圍埋查經，有好多好精彩嘅發現，但過份投入追求，其實就變咗一種逃避現實嘅思維遊戲。哩啲嘢都真係Can be a promise. Can be a curse.（可以是應許，可以是詛咒）